GENERAL SANTOS CITY – Giaprubahan sa Sangguniang Bayan sa Alabel Sarangani ang pagdili sa bura-bura nga tambutso sa motorsiklo.
Kahibaluan nga una nahimong ordinansa, niagi pa kini og duha ka committee hearing sa nagkadaiyang stake holders lakip niini ang mga gabaligya ug piyesa, mga mekaniko og driver sa lugar.
Gikabutyag nga sa unang pagsupak, magmulta ug P500 ang madakpan, 2nd offense-P1,000; 3rd offense–P3,000 og walo ka adlaw nga community service sa munisipyo.
Gipamahayag ni Alabel Kagawad Joel Aton nga husto lamang nga panakpon ang mga motorsiklo nga adunay bura-bura nga tambutso tungod nagmugna og kasaba og makadistorbo sa hinanok nga pagkatulog sa mga residente ilabina panahon sa kagabhion..
Ang madakpan ang isyuhan og citation ticket sa mga traffic enforcers.
Nasayran nga dinhi sa GenSan, diha -diha nga tikitan ang magmaneho og motorsiklo nga adunay bura-bura nga tambutso..
Sais-mil pesos ang pina sa madakpan gawas pa nga tangtangon ang tambutso nga dukdukon atubang sa mga pulis.
