-- ADVERTISEMENT --
GENERAL SANTOS CITY – Commitment order na lang ang gipaabot sa walo ka mga miyembro sa New Peoples Army nga nasikop human ang engkwentro sa Brgy Datal Anggas, Alabel, Sarangani Province tali sa tropa sa gobyerno ug nasampit nga rebeldeng grupo.
Kini human gikasuhan pinaagi sa inquest proceeding ang mga nasampit ug frustrated murder ug pagsupak sa RA 10591 kon Comprehensive Law on Firearms and Ammunition.
Kahinumduman nga gipresenta sa militar ang mga nasampit kaniadtong adlaw’ng Lunes, lakip ang walo usab ka mga high-powered firearms nga ilang gi-surrender.
Sa pagkakaron nagpabilin unang anaa sa kustodiya sa Alabel Municipal Police Station samtang nagpaabot aron i-turnover sa Sarangani Provincial Jail sa Baluntay, Alabel.
