GENERAL SANTOS CITY – Dako ang mamahimong benepisyo alang sa siyudad kon hingpit nang mahibulag gikan sa first district sa South Cotabato.
Kini ang gibutyag ni Vice Mayor Shirlyn Bañas-Nograles, human matud pa siya nakatambong sa hearing sa Kamara kalabutan sa House Bill 4678 nga gisumite ni Rep. Pedro Acharon Jr., nga himuong lone district ang Gensan.
Sumala pa nga nga kaniadtong 1996 pa adunay giduso nga mahimong lone district ang dakbayan, ug dugay nang nag-qualify ang GenSan alang niini.
Kon hingpit nang mahimong balaod ning tuiga, lauman matud pa nga sa 2019, may kaugalingon nang kongresista ang Gensan.
Gawas niini, maadto lamang alang sa mga taga-Gensan ug dili na magbahin pa tulo ka mga munisipyo sa first district sa South Cotabato ang alokasyon alang sa mga proyekto gikan sa national goverment.
