Miyembro sa usa ka drug group na ga-operate sa ARMM, sikop sa buy-bust operation
GENERAL SANTOS CITY – Sikop usa ka matud pa miyembro sa usa ka drug group nga ga-operate sa ARMM, sa gilusad nga buy-bust operation sa Philippine Drug Enforcement Agency (PDEA-12) sulod sa usa ka mall sa Koronadal City.
Sa report gikan sa PDEA-12, natigayon ang operasyon alas-3:20 sa hapon kagahapon, kung asa ang dinakpan giilang si Eskie Ameril Alias Jamal, 52 anyos, minyo nga usa ka fishpond caretaker ug residente sa Brgy Beng, Buluan, Maguindanao Province.
Base sa impormasyon, ang grupo nga gikalambigitan sa suspek ang ga-operate sa ARMM ug sa pipila ka mga lugar sa 12.
Narekober sa posisyon sa suspek ang unom ka sachet sa shabu nga may gibug-aton na tres gramos, nga may estimated value nga P22, 500, ug usa ka cellphone, ug ang buy-bust money.
Giandam na ang kasong pagsupak sa Section 5 kon pagbailigya ug iligal nga droga, ug Section 11 kon paghupot niini, sa Article II sa Republic Act 9165 or The Comprehensive Dangerous Drugs Act of 2002, samtang kasamtangang naka-kustodiya sa PDEA RO12 Detention Facility.
