GENERAL SANTOS CITY – Obligado tanan nga mga buhatan sa Highway Patrol Group sa tibuok nasud sa pagpadala ug ginsakpan didto sa Davao City isip augmentation force alang sa nagkaduol nga panagtigum sa ASEAN meeting.
Gikumpirma ni Police Chief Instr. Dueda sa Highway Patrol Group 12 nga milarga na aging adlaw ang onse ka personahe padulong sa Davao.
Gikumpirma niini nga nagpagawas ug kamanduan ang group director sa Highway Patrol pinaagi ni Sr. Supt. Antonio Gardiola nga magpadala ug mga ginsakpan ang tanang HPG sa Mindanao aron magbantay sa ASEAN meeting.
Luyo niini andam gihapon ang ilang buhatan nga magpadala ug dugang nga personahe sa Region 11 kung gikinahanglan.
Ang ASEAN meeting ang pagatambungan sa mukapin libu ka mga delegado nga apilan sa mga opisyal gikan sa lain-laing nasud sa Asya.
