GENERAL SANTOS CITY – Gipasidunggan kagahapong adlawa atul sa regular session ang mga konsehal nga nagpakita ug maayong performance alang sa 18th Council sa Sangguniang Panglungsod.
Gipangunahan kini ni Vice Mayor Shirlyn Bañas-Nograles, kung asa gipasidunggan silang Kag. Rosalita Nuñez, Kag. Edmar Yumang, Kag. Beth Bagonoc, ug Kag. Ramon Milleza alang sa perfect attendance sa tanang regular session, sukad Hulyo hangtod Disyembre miaging tuig.
Samtang si Kag. Odyok Acharon ug Kag. Milleza ang gipasidunggan usab gumikan sila ang may labing daghang natambungan nga mga aktibidad sa 18th Council sa Sangguniang Panglungsod.
Laing pasidungog ang nadawat ni Kag. Ramon Milleza alang sa labing daghang committe hearing nga iyang gi-preside may kalabutan sa mga komite nga iyang gihuptan.
Gipasidunggan usab si Kag. Yumang ang isip may labing daghang committee hearing nga gitambungan isip miyembro.
Samtang, gitimbaya usab ni Vice Mayor Nograles ang tanang mga konsehal sa 40 ka city ordinances nga napatuman ug 516 ka resolusyon atul sa 21 ka sesyon nga gipahigayon sugod Hulyo hangtud Desyembre miaging tuig
