GENERAL SANTOS CITY – Luwas na nga nakauli dinhi sa dakbayan ang siyam ka mananagat human nga nadakpan og dugay napriso didto sa Indonesia.
Gisugat sa social workers og sa tagsa-tagsa nila ka pamilya ang mga nasampit sa GenSan International Airport kagahapon, kon asa walo ang taga GenSan og 1 sa Sarangani.
Giila ang mga nasampit nga silang Darwin Banyog, Jerwin Ranya, Ariel Tagatuslan, Johnny Salaysay nga pulos taga Saeg Calumpang; Jaymar Ching taga Lanton, Apopong; Albert Nibuena og Ian Huwalo nga pulos taga Fatima, Jelsy Salbalosa og Jomel Diaz taga Malapatan Sarangani.
Matud ni Rose De lIma, ang labaw sa City Social Welfare and Dev’t Office nga adunay natigayong problema sa ilang panagatan,.
Nag-TNT ang walo tungod walay mga paigong dokumento sa pagsulod sa Indonesia. Luyo niini, nagtrabaho gihapon ang mga nasampit apan naaresto og napriso og halos usa ka tuig.
Gibutyag ni De Lima nga gitabangan ang mga naasoyng mananagat sa gobyerno og sa International Organization for Migration aron makauli sa nasud.
Kasagaran sa mga nasampit nag-antos samtang napriso apan dako gihapon ang ilang kalipay nga luwas nga nakauli sa Pilipinas og makauban na ang ilang tagsa tagsa ka pamilya.
