GENERAL SANTOS CITY – Walo na sa 13 ka mga barangay sa Alabel, Sarangani ang apektado sa hulaw.
Kini ang gikumpirma ni Rene Punzalan, labaw sa Provincial Disaster Risk Reduction and Management Office kon PDRRMO.
Sumala pa nga sa pagkakaron wala pa sila nakadawat ug official report kalabutan sa nasinatiang hulaw.
Gikabutyag nga ang official report pa lamang maoy ilang gibasehan alang sa hinabang nga ihatag sa mga apektado nga mga residente.
Samtang gipaklaro ni Punzalan nga verbal report ang iyang nasayran nga ang Alabel pa lang ang naapektuhan sa El Niño sa Sarangani.
Base sa report, 500 ka ektarya sa pananum ang nadaut sa hulaw nga kasagaran mga humay, mais, saging ug mga gulay.
Unang naapektuhan matud pa sa hulaw mao kadtong mga anaa sa upland areas nga gadepende sa ulan hinungdan nga dili makatanum.
