GENERAL SANTOS CITY – Temporaryo nga nakalimtan sa mga residente sa Purok San Juan, Silway, Barangay Dadiangas West ang hisgutanan sa pagpasaka ug kaso sa gitudlo nga suspek nga sinugdanan sa kalayo nga milamoy sa mukapin kwarenta ka mga balay.
Kini human subli nga nagkatigum ang mga biktima aron dawaton ang cash assistance gikan sa syudad.
Midawat ug kinse mil pesos ang 76 ka benipisyaryo nga gilangkuban sa mga nanag-iya ug balay nga totally damaged ug partially damage.
Kini na ang pinakadako nga nadawat nga cash assistance sa mga biktima tungod singko mil pesos lamang ang ginahatag sa syudad apan tungod gidugangan ni Mayor Lorelie Pacquiao hinungdan nahimong kinse mil pesos.
Naa ang presensya sa taga City Social Welfare and Development nga nagdumaloa sa paghatagt sa cash assistance nga gitambungan sa mga barangay Official.
Kahinumduman nga alas syete pasado sa buntag kaniadtong Pebrero 29 kalit miulbo ang dakong kalayo sa lugar ug ang gitudlo nga hinungdan sa sunog ang gibiyaan nga niluto sa usa ka renter sa lugar.
