GENERAL SANTOS CITY – Unom ka pamilya ang apektado samtang naangin usab ang chapel sa natigayong sunog sa Prk. San Vicente, Brgy. Dadiangas West ning dakbayan kagahapon sa hapon.
Ang sunog natigayon pasado alas dos kon asa lima ka mga firetrucks ang nagtibangay sa pagbomba og tubig aron gilayong mapalong ang pagkusog sa kalayo og malikayan ang pagkatag pa sa ubang mga panimalay.
Gikabutyag nga paspas ang pagdako sa kalayo gumikan halos tanang balay nga nasunog ang ginama sa light materials.
Gumikan niini, halos tanan sa mga nasunogan ang walay nasalbar nga mga gamit.
Sa pakighinabi sa Bombo Radyo sa usa sa mga nasunogan nga wala nakuratan na lamang sila dihang gipahibalo sa natigayon sunog og dihang gisusi, nitabok na sa ilang balay ang kalayo hinungdan nga nataranta og lunlon sapot lamang sa lawas ang nadala.
Pagkakaron, padayon pang giimbestigahan sa BFP-GenSan kon pila ang damyos og asa gayud nanukad nga balay ang sunog og unsa ang hinungdan.
