Nagmalampuson ang gipahigayon nga ‘gift of sharing’ sa pamilyang Manilay uban sa Goldenstate College ning adlawa.
Kini human nga kapin sa 500 ka indibidwal ang natagaan ug gasa gikan sa pamilya ni Madam Sara Manilay,kansa ang CEO og Warren Manilay, Presidente sa maong tulunghaan.
Midawat ug mga school supplies ug grocery ang matag ginikanan uban sa ilang mga anak kung asa ang magtiayong Manilay ang mitabang sa pagtunol niini ngadto sa mga nasampit.
Matud ni Mr. Manilay, hilabihan kaayo kadaghan ang nag-avail sa ilang programa kung asa tumong niini nga mapaabot ang mensahe nga mahinongdanon ang edukasyon sa mga kabatan-unan.
Giangkon niini nga nalipay sila nga daghan ug natunolan ug hinabang.
Sa iyang pamahayag nga naghatag ug coupon didto sa mga nagpila nga sayo pa sa kaadlawon apan wala matagaan.
Ilang kuhaon ang ilang supplies ug grocery sa Biyernes sa tulunghaan.
Kahibaluan nga sa wala pa mipakita ang sidlak sa adlaw kaganiha taas ang pila sa entrada nga bahin sa tulunghaan sa mga gustong matagaan ug supplies ug grocery gikan sa magtiayong Manilay.
