Anaa na sa 63 ang ihap sa mga tawo nga namatay sa pag-igo sa hurricane Helene sa Amerika diin padayon pa ang pagpangita sa mga namising samtang nailawom hihapon sa blackout ang pipila lugar.
Kapin sa 2.5 milyon matud pa ka mga residente sa Florida, Georgia, Carolinas, Tennessee ug Virginia ang walay kuryente. Sumala sa usa ka tigpamaba, 17 ka mga tawo ang namatay sa estado sa Kemp. Niini nga ihap, usa ka responder ang apil sa mga namatay.
Sa South Carolina, 23 ka mga tawo usab ang namatay nga naglakip sa duha ka bombero.
Sa Florida, 12 ka tawo ang namatay lakip ang siyam ka mga tawo nga anaa sa Pinellas County.
Sa North Carolina, 10 ka mga tawo ang namatay.
Sa Virginia, usa ka tawo ang namatay.
Kahibaloan nga gideklara na ni US President Joe Biden ilawom sa state of emergency ang Florida, Georgia, Alabama, North Carolina, South Carolina ug Tennessee, samtang nag-deploy ug liboan ka mga kawani alang sa nagpadayon nga search and rescue operations.
