6 bag-ong himugso nga bata namatay human masunog ang ospital sa India

Unom ka mga bag-ong himugso sa Delhi, India ang namatay human nga masunog ang usa ka ospital.

Adunay katibuk-ang 12 mga bag-ong himugson nga bata ang anaa sa sulod sa tamblanan nga makit-an sa Vivek Vihar region kung asa naluwas ang uban.

Nag-atubang karon sa kaso ang tag-iya sa ospital nga misibat human ang insidente.

Paspas nga mikatag ang maong sunog tungod usab sa mga oxygen nga ginagamit sa ospital.

Gikasubo usab ni Prime Minister Narendra Modi ang panghitabo ug kini gilayong nagpadangat ug pahasubo sa mga kabanay sa biktima.

Gisuta gihapon sa mga otoridad ang hinungdan sa maong insidente.