GENERAL SANTOS CITY– Mukabat sa 51 ang bag-0ng covid 19 cases nga natala sa GenSan base sa ulahing gipagawas nga report sa DOH-Center for Health Development Soccsksargen Region.
Base sa case profile nga gipagawas sa City Health Office, unom niini ang menor de edad kung diin labing bata nagpangidaron og dos anyos nga batang babaye samtang tulo ang lampas 60-anyos ang edad nga ang labing edaran nagpangidaron og 79 anyos nga babaye.
Lakip sa mga bag-ong nagpositibo ang unom ka frontliner kung asa lima ang nurse og usa ka medical technologist, usa ka pulis, usa ka magtutudlo, usa ka pastor, usa ka seaman og usa ka empleyado sa bangko.
Samtang sa ulahing gipagawas nga datos sa DOH 12, ang GenSan may 7,192 ka kaso sa covid 19, anaa sa 674 ang active cases og 225 ang patay.
