GENERAL SANTOS CITY – Patay ang usa ka 4-anyos nga batang lalaki human matud pa nabagok ang ulo dihang nadakin-as samtang naliho sa poso.
Giila ang biktima nga si Cedric Bagayan, taga-Sitio Manlanguit, Brgy Pag-asa, Alabel, Sarangani.
Gidala kaganihang kaadlawon sa Dr. Jorge P Royeca Hospital ang naasoy’ng bata kung asa gisulayan pag revive sa mga doktor ang naasoy’ng bata apan nakabsan na sa kinabuhi.
Nasayran nga kagahapong adlawa pa nahitabo ang insidente, samtang naligo sa poso ang bata kung asa nadakin-as ug nabagok ang ulo.
Gikabutyag nga wala nagdahum ang mga ginikanan nga muresulta sa ingon niini nga sitwasyon, ug didto na lamang nakadesisyon nga dal-on sa ospital human nga nanggahi na ang baba sa bata nga kamagwangan sa duha ka managsuon.
