4 patay sa pag-igo sa Hurricane Milton sa Florida

Upat ka mga tawo ang gikataho nga namatay tungod sa buhawi nga miigo sa St. Lucie sa Florida nga mao ang Hurricane Milton.

Luyo nga mipaingon na sa Atlantic Ocean ang maong bagyo, apan padayon ang pasidaan sa mga opisyal sa Amerika nga makasinati gihapon ug kusog nga hangin inubanan sa mga pag-ulan.

Matud ni Florida Governor Ron DeSantis, adunay 80,000 ka mga tawo nga nagpabilin sa mga shelters.

Nagpasalamat usab kini nga nakabakwit gilayon ang mga residente una paman miigo ang maoy kalamidad.

Kapin sa 3 milyon nga mga residente ang nawad-an og kuryente sa Florida samtang nakaangkon og gamay nga kadaot ang Tampa International Airport.

Gipasidan-an sa mga otoridad ang mga residente nga mangandam sa posibleng pagbaha.