Click to Play Video
GENERAL SANTOS CITY – Gi-anghilan pa ang usa ka inahan human misogmat ang hubak sa anak hinungdan nga wala maapil sa maduguong disgrasya nga gikamatay sa iyang bana ug duha ka paryente.
Kini human giangkon ni Lenelyn Papalid, nga taga Purok 7, Brgy Ligaya niining dakbayan, nga musakay unta sa topdown nga maneho sa bana nga si Carlo Papalid, 23 dihang magdeliver unta ug saging sa merkado publiko.
Giingnan matud pa kini sa bana nga magpabilin na lamang ug musunod sa Lagao aron muatender sa birthday sa ilang ig-agaw apan pipila ka minutos dihang nakabita na ang bana didto na nahibaw-an nga nabanggaan sila ug L300 van.
Nahurot ug kamatay ang sakay sa topdown nga maneho sa iyang bana nga giila nga silang Jocelyn Cabang 41 ug Rommel Salawa 29 pulos mga residente sa Maitum, Sarangani Province samtang namatay usab ang driver sa van nga John Roy Perez 21 nga residente sa San Isidro, Baluan ning dakbayan human maipit sa maneho nga van.
Nakatagbo matud pa sa topdown ang L300 human nabuthan ug ligid hinungdan sa pagbangga.
