Patay ang upat ka tao human nahitabo ang pagbuto sa Tayuman Street corner Dagupan Street sa Manila ning adlawa, Agosto 3.
Matod sa Explosive Ordnance Division (MPD-EOD) sa Manila Police District, usa ka nabungkag nga air-conditioning compressor ang napalgan sa maong dapit nga gituohang maoy hinungdan sa pagbuto.
Ang mga biktima daling gidala sa mga tambalanan sa mga emergency responders gikan sa Bureau of Fire Protection (BFP), Philippine National Police (PNP), ug local rescue units.
Duha sa mga biktima ang gidala sa Tondo General Hospital, samtang ang usa gidala sa Jose Reyes Memorial Medical Center.
Ang ngalan ug kondisyon sa mga biktima wala pa gipagawas.
Sa laing bahin, gisiguro ang lugar samtang nagpadayon ang imbestigasyon, ug gitambagan ang publiko nga likayan ang lugar.
