-- ADVERTISEMENT --
Gipasakaan na og kaso sa National Bureau of Investigation (NBI) ang upat ka vloggers tungod sa pagmaniobra sa mga video interview sa pipila ka opisyal sa gobyerno.
Si Senior Agent Raymond Macorol, sa NBI Crime Intelligence Division, niingon nga pasakaan sila og kasong kalapasan sa Anti-Alias Law ug inciting to sedition sa Department of Justice.
Apil si NBI Director Jaime Santiago sa mga gimaniobra sa mga vlogger aron mopakatap og sayop nga impormasyon.
Sa nasangpit nga video, giawhag kuno sa opisyal ang mga overseas Filipino workers nga dili magpadala ug remittance.
Wala hisgoti ni Macorol ang mga ngalan sa mga vlogger, nga nakabase sa Saudi Arabia, Canada, New Zealand ug usa sa United Kingdom.
-- ADVERTISEMENT --
