4 ka college instructor sa China, gipang-dunggab

Gikatahong samdan ang upat ka magtutudlo sa kolehiyo human sila gipangdunggab sa China.

Matod sa kapulisan, samtang ang upat ka College instructor anaa sa usa ka parke sa probinsya sa Jilin, kalit silang gidunggab sa suspek.

Daling nasikop sa kapolisan ang 55-anyos nga suspek.

Gilayon usab nga gidala sa tambalanan ang mga biktima ug padayong nagpaayo.

Sa pagkakaron, gisusi pa sa mga otoridad ang motibo sa suspek sa maong insidente.