GENERAL SANTOS CITY -Gihikay na sa kapulisan ang kasong ipasaka batok sa usa ka 3rd year college education student nga nasikop atul sa buybust operation sa National Highway Barangay Ambalgan, Sto. Niño, South Cotabato.
Bahug sa selda ang suspek nga si CRISLAM AMBALGAN ‘Alias CRISLAM’, 25 anyos, minyo, nga residente sa lugar samtang giandam ang kasong pagsupak sa Section 5, Article 2 sa RA 9165 nga ipasaka batok kaniya.
Matud ni PDEA-12 Dir. Gil Cesario P. Castro, napalitan ug usa ka sachet sa shabu ug nakuhaan ug P500 buybust money ang suspek dihang gikasa sa mga ginsakpan ang operasyon.
Gibutyag niini, anaa sa watchlist ang suspek nga matud pa runner og shabu sa Ambalgan Drug Group og sa El Paradise Drug Group.
Ug gani, dugay ng gimonitor ang lihok sa suspek og hingpit nga nahulog sa kamot sa kapulisan naidtong Sabado.
Apan ang mga naasoyng alegasyon ang gipanghimakak sa suspek og gikanayon nga nagtinarong sa pagtungha.
