GENERAL SANTOS CITY– Lauman nga magamit na sa Malapatan sarangani ang ikatulo nga isolation facility tungod hapit na kining mahuman.
Kini ang pahayag ni Malapatan Mayor Salway Sumbo human giangkon nga gigahinan sa LGu ug P3M ang pagpahimo sa ikatulo nga pasilidad.
Paghulagway sa mayor nga anindot ang lugar ug dili basta masulod tungod aduna kini tag-as nga pader.
Preparasyon kini aron kabutangan sa magpositibu aron dili maduolan sa mga kaila ug kabanay kung adunay ibutang sa lugar. Sa kasamtangan adunay usa nga nagpositibu sa Malapatan apan atoa kini gibutang sa isolation facility sa Lun Padidu.
Ang nahisgutang pasyente ang ikalima nga nagpositibu sa coronavirus disease nga usa ka 26 anyos nga babaye nga gustong mag abroad apan naabtan ug lockdown sa kauluhan hinungdan nga nagtrabaho sa Paranaque.
Nakauli kini sakay sa usa ka sweeper flight kaniadtong Hunyo 15 niining tuiga.
