GENERAL SANTOS CITY – Nagpabilin nga nanguna ang South Cotabato Province nga may labing daghang kaso sa COVID 19 sa rehiyon dose nga mukabat sa 11,587 samtang 1,392 ang active cases og 358 ang patay.
Ikaduha ang GenSan nga may 10,301 ka kaso, 992 ang active cases og 347 ang nakabsan sa kinabuhi. Ang North Cotabato may 7,240 ka kaso,1,312 ang active cases og 328 ang patay.
Ang Sarangani may 4,195 ka kaso, 661 ang active cases og 53 ang nagtaliwan. Ang Sultan Kudarat may 4,732 ang kaso, 549 ang active cases og 136 ang nakabsan sa kinabuhi.
Nasuta nga sa ulahing report sa DOH – Center for Health Development Soccsksargen Region, mukabat sa 542 ang bag-ong kaso, 489 ang bag-ong nakarekober og 19 ang COVID-19 RELATED DEATHS. Sa mga namatay, tig-usa sa Malapatan South Cotabato, Isulan Sultan Kudarat ug Kidapawan City, may tig-duha sa Alabel, Kiamba, Maasim Sarangani og Tulunan North Cotabato, lima sa Gensan ug tulo sa Koronadal City.
Sa Sarangani 190 ka bag-ong kaso, 73 sa GenSan, 122 sa North Cotabato, 45 sa Sultan Kudarat, ug 112 sa South Cotabato.
Sa katibuk-an adunay 38,325 ang COVID-19 confirmed cases sa SOCCSKSARGEN region kung asa 4,906 ang active cases, 32,190 ang recoveries og 1,222 ang COVID-19 related deaths.
