36 patay sa pagkahulog sa bus sa bung-aw sa India

36 ka mga tawo ang patay human ang bus nahulog sa bung-aw sa Uttarakhand, India. Sumala sa mga awtoridad adunay 27 pa ang nasamdan.

Sa inisyal nga imbestigasyon sa mga otoridad, adunay kinatibuk-an nga 44 ka mga tawo ang sakay sa bus dihang nawad-an og kontrol ang drayber ug nahulog sa 50 metros nga gilawmon nga bung-aw sa Marchula.

Naghimo na og lawom nga imbestigasyon ang mga otoridad sa nasangpit nga insidente.