GENERAL SANTOS CITY– Mukabat sa 300 ngadto sa 500 ang target sa syudad nga mabakunahan matag adlaw gikan sa mga eligible population.
Matud ni Dr. Jett Oco, labaw sa City Health Office Gensan nga sa karon, mukabat sa 212, 201 nga populasyon sa syudad ang target nga mabakunahan aron ma-angkon ang herd immunity.
Gibutyag niini nga subay sa datos, anaa sa 10, 319 ang target eligible nga mabakunahan sa priority A1 kon mga frontline/healthcare worker kung asa sa karon, anaa na sa kapin 90% kon 8, 837 nga ang nakadawat sa 1st dose.
Samtang sa priority A2 kon senior citizens anaa sa 30, 393 ang target eligible ug anaa pa lang sa 27% ang nakadawat ug bakuna samtang sa A3 kon mga indibidwal nga adunay balatian, anaa sa 9, 724 ug less than 5% pa lang ang nakadawat ug bakuna.
Apan giklaro ni Dra. Oco nga ang accomplishement sa syudad sa vaccination roll-out kontra covid 19 ang magdepende gihapon sa supply sa bakuna nga ginahatag sa Department Of Health.
Samtang nanawagan ang nasampit og padayong suporta sa mga katawhan sa pakigbatok sa covid 19 pinaagi sa pagsunod sa health protocol.
Sa pamahayag ni Dr. Oco nga sa maong pamaagi man lang makatabang ang publiko sa sakripisyo usab sa mga healthcare workers og mga doktor ning panahon sa pandemya.
