Miabot na sa 3 ang natalang namatay sa nahitabong insidente sa pagdahili sa usa ka landfill facility sa Barangay Binaliw 1, Dakbayan sa Sugbo niadtong Enero 08, Huwebes.
Base sa mga pinakaulahing impormasyon nga nakuha sa Bombo Radyo Cebu News Team, as of 6:00 PM, adunay 36 ang padayon pang missing og 12 ka indibidwal ang na-rescue nga gilangkoban 5 ka lalaki og laing 7 ka mga babaye.
Matud ni Cebu City Mayor Archival, nga padayong nagpahigayon og assessment process ang mga kadagkuan sa Department of Social Welfare and Services sa Cebu City, Department of Social Welfare and Development, Department of Labor and Employment, Department of Environment and Natural Resources og sa kompanyang nag-operate sa landfill nga Prime Waste INC. kung unsay mga hinabang nga mahatag sa mga kabanay sa mga natabunan sa midahili nga landfill sa Brgy. Binaliw 1.
Mimando usab ang mayor nga magpahigayon og 3 ka adlaw nga 24 hours search, rescue and retrieval operations hangtod sa Enero 11, samtang adunay 500 ka mga organic og rescue volunteers ang padayon pang nakadeploy sa lugar og gilauman nga madungan kini og 400 ka mga rescuers aron mas mapadali ang operasyon
Anaa sa kinatibuk-ang 109 ka mga empleyado o pamilya ang naapektohan sa maong insidente.
