Anaa na sa kustodiya sa kapulisan ang tulo ka suspek sa pagkidnap sa usa ka American vlogger sa Sibuco, Zamboanga del Norte.
Kahinumduman nga kaniadtong Oktubre 17, upat ka mga lalaki ang midagit kang Elliot Eastman gikan sa balay sa iyang ugangan sa baybayon sa lungsod sa Sibuco.
Giingong nisukol ang American national apan gipusil kini sa tiil. Unya gidala siya sa usa ka sakayan nga nagpadulong sa lawod.
Walay gipangayo nga lukat o pamatuod sa kinabuhi nga nadawat gikan sa mga abductor sa Eastman.
Usa sa tulo ka mga suspek ang ni-surrender samtang ang nahibiling duha nasikop sa mga awtoridad, matod ni Fajardo. Ang tulo ka mga suspek adunay direktang partisipasyon sa pagdagit, dugang niya.
Si Fajardo niingon nga ang tulo adunay naunang kaso sa pagpatay samtang duha niini sakop sa criminal gang.
Ang mga suspek nga anaa sa kustodiya sa kapolisan miila sa laing tulo ka mga nalambigit sa krimen nga padayon pa nga gawasnon.
Gitataw ni Fajardo nga nangita usab ang kapulisan og dugang John Does nga posibleng accessories sa kidnapping.
Apan matud ni Fajardo nga ang mga suspek nga anaa sa kustodiya sa kapolisan wala maghisgot og impormasyon sa nahimutangan ni Eastman o kon buhi pa ba kini.
