GENERAL SANTOS CITY – Kustodiya gihapon sa mga otoridad ang tulo ka Indonesian nationals human maaresto sa checkpoint sa Glan Sarangani Province.
Sa pakighinabi sa Bombo Radyo GenSan, gibutyag ni Pedrito Lopez, ang alien Control officer sa Bureau of Immigration and Deportation(BID) sa Glan nga naghatag siya og abiso sa mga kapulisan sa Police Regional Office(PRO)12 Headquarter nga sikupon ang mga Indonesian nationals nga walay tukmang dokumento sa pagpabilin sa nasud.
Gibutyag niini, kini subay gihapon sa gipatuman nga balaud militar sa tibuok Mindanao region.
Matud kay Lopez, ang tulo ka langyaw nga wala una niini gipanganlan walay gipakita nga identification(ID) card hinungdan nga giaresto.
Gibutyag sa opisyal, angayang maimbestigahan ang ilhanan sa tulo sa kabalaka nga basin mga miyembro sa Maute Group o Abu Sayyaf.
Nasayran nga ang mga Indonesians ang lakip sa pipila sa foreign terrorists nga miatake sa Marawi City.
Una niini gikumpirma ni Police Chief Insp. Neil Wadingan ng Glan Municipal Police Station nga miagi ang mga naasoyng sa Balut Island aron makaabot sa Big Margus, Glan kagabi.
Kahinumduman nga ang Glan ang usa sa mga entry point sa mga Indonesians pasulod sa nasud.
