Tingali usa ka sa naluoy sa nadangatan sa usa ka bride sa Amlan, Negros Oriental nga wala gyud nahatagan ug “moment” sa iyang kaugalingon nga kasal tungod sa gikanayong pagsinuplado sa pari nga nag-officiate sa maong seremonya.
Daghan gyud ang nadismaya dihang nakita ang video nga samtang nagamartsa pa lang ang bride padulong sa altar, nagsugod na sa misa ang pari rason nga nagadali-dali usab ang bride sa paglakat bisan lisod alang sa nahisgutan tungod sa iyang wedding gown.
Ang gikasal mao silang Janine Sagario ug Jove Sagario.
Una na nagpaklaro ang bride nga naka-schedule ang ilang kasal kaniadtong Hunyo 8, alas-otso sa buntag, apan kaniadtong Hunyo 7 sa gabie, gipahibalo sila sa usa sa ilang sponsors nga gi-reschedule sa simbahan ang ilang kasal ug imbes nga alas 8:00 sa buntag, gihimo kini nga alas 9:30 sa buntag.
Dihang miabot sila alas 9:00 sa buntag, gibutyag nga nangasaba ang mga staff sa simbahan ug miingon nga ulahi sila sa schedule nga alas 8:00 sa buntag.
Sa higayun nga gikuhaan sila ug hulagway, pareho nga nagahilak ang bride ug groom.
Daghan ang nadismaya tungod dihang nahuman ang kasal, gilayon nga gimando sa pari nga pasudlon ang lungon tungod misa sa patay ang anaa sa schedule.
Nakita usab sa wedding suppliers sa Negros Oriental ang nahitabo ug tungod naluoy sa bride ug groom, nag-initiate ang wedding violinist nga si John Lester Barot nga magpahigayon ug wedding remake.
Gitakda ang part 2 sa kasal sa Hunyo 17.
Sa karon, aduna nay sponsors alang sa host, coffee, bridal car, ice cream, photography, bridal gown, ug uban pa.
Nagapangita pa sila ug dugang nga sponsors alang sa pagkaon ug uban pa alang sa magtiayon.
Nag-isyu usab ug statement ang pari nga assigned sa St. Andrew the Apostle Parish ug nangayo ug pasensya sa nahitabo sa kasal.
“We humbly admit the fact that along the way, there were statements made carried away by emotions. Hence, we express our sincere apology to the bride and the groom, to their respective families who were directly offended by the turn of these events, and to the people who have seen our humanity as Priests in a time when we were weakest of any possible control,” sumala kang Monsignor Albert Erasmo Bohol.
“We also ask for your kind indulgence for the times we were short in meeting that call. In the midst of this unfortunate event, please pray for us as we struggle with our frailties. We pray for the peace of everyone concerned in this event,” dugang sini.
Base sa imbestigasyon, ang wedding sponsor nga nagpahibalo sa bride ug groom nga gibag-o ang schedule mao ang nakahimo ug sala sa pagpasa sa impormasyon.
Sumala sa simbahan, wala nagsulti gikan sa parokya nga usbon ang schedule tungod aduna unta nakatakda nga Funeral Mass sa alas 9:30 sa buntag sa maong adlaw.
“She relayed this information in an unofficial capacity. This is unfortunate since there was no instruction at all from anyone in the Parish Office that there are changes in the schedule since there was a scheduled Funeral Mass at 9:30 a.m. of that same morning,” dugang ni Bohol.
Gibutyag usab nga adunay adjustments nga gihimo dihang nakita nga anaa na ang bride sa pultahan ug gipaklaro usab sa pamilya sa napatay nga adunay delay sa misa tungod unahon una ang kasal.
