GENERAL SANTOS CITY- Mukabat ngadto sa 3.76 million ang tourist arrivals sa Region 12 sa tuig 2016 nga mas taas itandi sa tuig 2015 nga mukabat sa 3.1 million.
Sa exlusive interview sa Bombo Radyo Gensan kang Nelly Dillera, labaw sa Department of Tourism kon DOT-12 nga may annual growth rate gikan 2013 hangtud ngadto sa 2016 nga mukabat sa 85%.
Sumala pa ni Dillera nga ang labing daghang tourist arrivals nga natala sa rehiyon 12 mao ang General Santos City.
Nasayran nga ang Gensan ang nag-una sa top destination sa day og overnight tourists arrivals nga mukabat sa 1.3 million nga gisundan sa Sarangani nga may 619,940, South Cotabato-535,203, North Cotabato-340,909, Cotabato City-346,063, Kidapawan City-156,125, Tacurong City-188,935, Sultan Kudarat-114,842, og Koronadal City-117,077 ka tourist arrivals.
Matud pa ni Dillera nga ang mga rason nganong ang Rehiyon 12 ang usa sa mga giadtuan sa mga turista gumikan dagkan kanila ang gapangita og mga bag-ong destinasyon hinungdan nga napilian ang atong lugar.
Sa bahin sa Sarangani kasagaran mga day tourists ang natala sa ilang lugar gumikan human nga muadto sa mga maayong destinasyon sa probinys mubalik sa GenSan aron dinhi matulog.
Samtang sa bahin sa mga langyaw ang midoble ang tourist arrivals gikan kapin sa 34,000 sa 2015 miusbaw ngadto sa 63,000 sa tuig 2016.
Ang lakip sa top five nga mga langyaw nga mga turista ang gikan sa Japan, Korea, USA, Saudia Arabia og Taiwan.
