GENSAN– Gibutyag ni Atty. Jong Gonzales, Department Head sa Public Safety Office Gensan nga gihatagan og duha ka tuig nga moratorium ang mga traysikol nga wala nakapasa sa gi-specified nga standard sa side car nga gipatuman sa lokal nga kagamhanan.
Subay sa ordinansa nga giaprobahan sa Sangguniang Panlungsod (SP), ang maong moratorium molungtad hangtod December 2026.
Tumong sa maong lakang aron hatagan og igo nga panahon ang mga drayber ug tag-iya sa traysikol nga makakompleto sa ilang mga rekositos ug mapaayo ang ilang mga sakyanan.
Pag-abot sa December 2026, istrikto na nga ipatuman ang mga regulasyon ug gilauman nga wala nay modagan nga traysikol nga wala kapasar sa standard ang ilang side car.
Ang mga madakpan nga nakasupak ang posibleng pahamtangan og penalty, suspension, o kumpiskasyon sa ilang unit
