GENERAL SANTOS CITY– Magsugod sa Abril 5, 2021 ang second dose sa pagbakuna sa COVID 19 gamit ang Sinovac vaccine.
Matud pa ni Dr. April Maquilang, vaccination program coordinator sa City Health Office nga mahuman hugot nga gipangandaman usab kini sa syudad sa pagkakaron luyo nga nagpadayon ang vaccination rollout sa syudad gamit ang Astrazeneca.
Anaa sa 85% sa mga nalakip sa masterlist ang nabakunahan.Gibutyag nga sa 3,138 ka doses sa bakuna anaa sa 472 ang gibalik sa opisina sa Department of Health kon DOH 12.
Kahibaluan nga anaa sa 75.09% ang nabakunahan sa tibuok Rehiyon 12 sa Sinovac nga anaa sa 6,733 ang naturukan sa bakuna luyo nga target maturukan ang 8,967 ka mga health care workers.
Ang ikaduha nga dose sa bakuna ang nagpabilin pa sa DOH 12 kung asa gikatakda nga ipadala sa nagkadaiyang lugar sa rehiyon oras magsugod ang ikaduhang dose sa vaccination.
