Mukabat sa 28 ka mga benepisyaryo sa Balik Probinsya, Bagong Pag-Asa Program sa Department of Social Welfare and Development Field Office 12 ang nakadawat og P50,000 nga tabang pinansyal ilawom sa Kapit-Bisig Laban sa Kahirapan – Community Integrated Development Social Services.
Ang Balik Probinsya, Bagong Pag-Asa Program ang kabahin sa estratehiya sa gobyerno aron nga may balanseng kalambuan sa tanang rehiyon nga masiguro ang kalambuan.
Tumong sa programa nga suportahan ang mga pamilyang informal settler og mga trabahante nga naapektuhan sa COVID-19 nga gusto nga mubalik sa probinsya alang sa permanenteng relokasyon og panginabuhian.
Gipahinumduman ang mga benepisyaryo sa nadawat nga kwarta nga kabahin sa family transitory support package sa Balik Probinsya program nga magamit nila aron ipalit sa pagkaon, gamit sa kusina, gamit sa tulunghaan sa mga bata og laing mga panginahanglanon aron makasugod subli sa ilang panginabuhian.
