GENERAL SANTOS CITY – Gilayon nga gisunog sa City Veterinary Office ang anaa sa 274 ka kilo sa pork tocino nga gikan sa Cebu.
Matud pa kang Dr. Antonio Marin, labaw sa nasampit nga buhatan nga ang maong produkto ang gibiyahe by-land nga miagi sa Surigao, Butuan, Davao og dayon dad-on sa GenSan.
Base sa ordinansa sa syudad bawal nga makasulod sa GenSan ang mga pork products nga miagi sa mga lugar nga red zone o apektado sa African Swine Fever (ASF).
Gumikan niini gikumpiska sa checkpoint sa Tinagacan ang maong produkto nga miagi sa Davao Region nga apektado sa ASF.
Sa pamahayag ni Dr. Marin nga bisag may pandemnya wala gayud nga nagluag ang ilang patakaran batok sa ASF kung asa nagpabilin ang mga checkpoints sa entry og exit points sa syudad aron nga dili maapektuhan ang hog industry.
