GENERAL SANTOS CITY – Mukabat sa 270 ka mga lumod ang nakit-an sa Marine expert nga naglangoy sa Sarangani bay basi sa ikatulo nga kwarter nga monitoring.
Kini gipahigayon kaniadtong Agusto 13 hangtud 16 sa mga marine biolgist kauban sa mga divers sa Department of Environment and Natural Resources Region 12 ug mga partner agencies.
Nakita usab ang daghang specie sa mga critical ug vulnerable nga isda. Sa gipagawas nga data sa DENR-12 mukabat sa 150 ngadto sa 200 ka Sarawak dolphins, 40 ngadto sa 60 ka Spinner dolphins, unom ka Risso dolphin upat ka pygmy killer whales ug duha ka dwarf/pygmy sperm whales ang namonitor sa kadagatan sa Gensan, Malapatan hangtud sa Glan Sarangani.
Nakita usab sa team ang gipang-anod nga basura sama sa plastic bottle, celophin ug uban pang non biodegradable materials.
Nakita usab ang mga fishing vessels nga nagpahigayon ug aktibidad sa protected seascape.
Ang quarterly monitoring ang gipangunahan sa DENR-12 kauban ang Protected Area Management Board (PAMB) sa Sarangani Bay Protected Seascape, Bureau of Fisheries and Aquatic Resources, Environmental Conservation and Protection Center aron makita ang mga kalambu-an ug inadlaw-adlaw nga aktibidad sa daplin sa baybay.
