GENERAL SANTOS CITY – Gipangunahan ni P/Brig Gen John Dubria , Regional Director,sa Police Regional Office 12, ang oath taking Ceremony sa 213 ka bag-ong police officers .
Gilangkuban kini sa 178 ka mga lalaki ug 35 ka mga babaye nga kabahin sa PRO 12 Attrition and Supplemental quota sa tuig 2020.
Sa naasoy nga ihap 47 gikan sa probinsya sa Sultan Kudarat samtang 55 gikan sa South Cotabato ug 16 gikan sa Sarangani Province, 64 usab gikan sa Cotabato Province ug 31 gikan dinhi sa da dakbayan .
Human sa pagpanumpa ang mga recruits ang gitugyan dayon sa Regional Training Center 12 aron sugdan ang unom ka bulan nga Public Safety Basic Recruit Course nga kabahin sa pagsulod isip mga bag-ong police officer.
Matud ni General Dubria nga ang 213 ka bag-ong pulis ang madugang sa kapulisan sa rehiyon dose aron batukan ang tanang porma sa kriminalidad aron masiguro ang public safety.
