Opisyal nang giablihan ang 20th Asian Games sa Nagoya, Japan ning adlaw nga Sabado pinaagi sa usa ka makulay nga opening ceremony nga gisundan sa mga sayaw ug mga fireworks.
Gidumala ang seremonya sa Mizuho Park Athletic Stadium, diin nahimong malinawon ug madasigon ang selebrasyon nga puno sa kolor ug musika.
Gipahibalo ni Emperor Naruhito ang opisyal nga pag-abli sa Asian Games human sa parade of nations nga gilangkuban sa 45 ka nasod ug rehiyon.
Mitambong usab sa maong seremonya ang mga miyembro sa Japanese royal family ug International Olympic Committee President Kirsty Coventry.
Gipatuman ang hugot nga seguridad alang sa pagbisita sa Emperor, diin gibanabana nga hangtod 10,000 ka mga pulis ang gideploy alang sa opening ceremony.
Matud ni Olympic Council of Asia President Sheikh Joaan bin Hamad Al Thani, ang mga atleta sa Asiad nagpahinumdom nga ang sports usa gihapon ka kusgan nga pwersa alang sa kalinaw, pagsinabtanay ug panaghigalaay tali sa mga nasod.
