GENERAL SANTOS CITY – Baynte ka mga eskwelahan sa syudad ang gihimong isolation facility alang sa COVID 19.
Matud pa kang Dr. Rommel Flores, GenSan Deped Superintendent nga pipila niini mao ang Dadiangas West Central Elementary School, Dadiangas South Elementary School og uban pa .
Gikadugang pa ni Flores nga dili na pwede muadto ang mga magtutudlo sa sa ilang eskwelahan kung gihimong isolation facility.
Tungod niini gikasabutan nga sa mas duol nga tulunghaan sila muadto aron asikasohon ang mga learning materials.
Giangkon ni Dr. Flores nga dili sayon ngadto kanila ang kasamtangang sitwasyon gumikan kung may magtutudlo nga magpositibo sa COVID 19 gilayon nga madelatar ang trabaho.
Luyo sa mga hagit sa pandemnya og og bag-o kanila ang tanang mga gimbuhaton magpadayon sila sa pagserbisyo sa katawhan.
