GENERAL SANTOS CITY – Nadakpan sa taga PDEA 12 ang duha ka tigpayuhot ug iligal drugs nga naa sa ilang watchlist lakip pa usa ka runner.
Gibutyag ni Director Gil Cesario Castro nga nagpahigayon ug buybust operation sa Martinez Subdivision, Barangay Zone 4, Koronadal City nga nagresulta sa pagkadakop nilang Joefre Paguntalan alias Jopag 49 anyos ug Joseph Morales alias Jojo 37 anyos ug ang runner nga si Ravy John Sumpiano 30 pulos mga residente sa lugar.
Nasikop ang tulo human gitunol ang usa ka heat-selaed transparent plastic sachet sa gituhuang shabu nga adunay market value nga P3, 750.00 ug nakuha usab ang mga drug paraphernalia.
Gikadugang ni Direc tor Castro nga gi-andam na sa ilang buhatan ang kaso sa pagsupak sa section 5 kon pagbaligya ug druga, section 12 drug paraphernalia ug section 15 paggamitan ug illigal drugs sa article 2 sa Comprehensive Dangerous Drugs Act of 2002 sa mga suspek nga kustudiya karon sa ilang buhatan.
Nasuta nga silang Paguntalan ang nasikop na sa kapulisan samtang si Sumpiano nasikop na kaniadto sa PDEA .
