2 Patay sa dengue 400 kapin pa nadala sa tambalanan
GENERAL SANTOS CITY-Mukabat na sa duha ang patay samtang 403 na kaso ang natala sa dengue sa dakbayan sa bulan lamang sa Pebrero.
Mas dako kini kung ikumpara sa 176 ka kaso sa 2016 kung asa upat ang napatay. Matud ni Dr. Washington Loreno nga taas kaayo ang data ning tuiga kung asa nanguna gihapon ang barangay Calumpang nga adunay labing daghan nga natala.
Niining tuiga adunay 57 ka pasyente nga gisundan sa Lagao nga adunay 53 samtang ang barangay fatima adunay kwarenta.
Nagsunod usab ang San Isidro nga adunay 36 samtang 35 usabs a Barangay Bula, trenta usab sa Labangal, city heights adunay banyte samtang 18 sa Apopong, 17 usab sa katangawan, ang mabuhay ug Conel adunay tig dose, samtang onse sa Tambler napulo sa Barangay West.
Samtang sa Buayan adunay siyam, walo sa Olympog, tig unom sa sinawal ug Seguel, samtang lima sa North, upat sa South ug East tinagacan nga adunay tulo duha usab sa Batomelong usa sa LIgaya ug wala pay natala nga biktima ang barangay balu-an. Una nang natala ang pagkamatay nilang Eliza Tanaya syete anyos nga taga Minanga, Buayan ug dose anyos nga si Mary Ann Dayday 12 nga taga balakayo Upper Labay.
