2 patay, 3 angol human maigo sa kilat sa Sarangani Province!
GENERAL SANTOS CITY – Duha ang patay, tulo ang angol human maigo sa kilat sa Sitio Lambugad, Brgy Tamban, Malungon, Sarangani Province.
Matud sa mga residente sa lugar, alas-2:00 kagahapon sa hapon dihang miulan ug kusog, dayon kalit nga giigo sa kilat ang billiard table kung asa nagdula ang mga biktima, hinungdan nga nangalagpot ang mga nasampit.
Nag-asu-aso pa dihang gidala sa Malungon Municipal Hospital ang mga biktima, kung asa gilayong nakabsan sa kinabuhi silang Edgar Kong ug Ariel Diagan nga managsamang mga residente sa lugar.
Samtang luwas na ang mga nasamdan nga silang Kinte Kapitan, 21-anyos, nga naglain matud pa ang paminaw, ug Benjon Pandamon, 15-anyos nga nakasinati ug hearing loss human ang insidente, samtang ang usa ka Abnel Bansil ang gilayong na-discharge sa ospital.
