GENERAL SANTOS CITY -Nahulog sa mga kamot sa otoridad ang duha ka myembro sa grupo nga naa sa watchlisted drug personality atul sa pagpatuman sa search warrants miaging adlaw.
Giila ni PDEA 12 Director Valente Cariño ang mga suspek nga silang Ibrahim Ambalgan, alias Mastura, 40 ; Baibon Pindawata, 44, pulos miyembro sa Ambalgan Drug Group; Alvin Balaoy, 43, anaa sa watch-listed drug personalities.
Nasikop ang mga nahisgutan sa Purok 10×10, Barangay Ambalgan, Sto. Niňo, South Cotabato.
Nakuha sa panimalay ni Ambalgan ang 25 ka putos sa heat-sealed transparent plastic sachet sa suspected shabu, nga adunay timbang nga 25 gramos adunay market value nga 125,000.00; samtang usa ka gramu usab ang nakuha sa panimalay ni Pindawata.
Samtang napulo ka sachet nga may timbang nga napulo ka gramo ug may market value nga Php 50,000.00, usa ka .45 caliber pistol, napulo ka bala usa ka 10 rounder magazine, itum nga holster.
Musumada tanan sa P180,000.00 ang presyo sa nakuha nga druga samtang ginaproseso ang ipasaka nga kaso sa paghupot sa Illegal nga druga batuk sa mga nahisgutan.
Ipasaka usab ang kaso sa paghupot ug armas batuk kang Balao.
