GENERAL SANTOS CITY – Misaka pa sa 187 ang COVID 19 related death sa Rehiyon 12 human nga may namatay nga duha ka pasyente sa maong sa sakit.
Ang usa nga nakabsan sa kinabuhi mao ang usa ka 67 anyos nga babaye nga residente sa President Roxas, Cotabato.
Kini ang ika-5,023 COVID patient nga natala sa Soccsksargen.
Ang lain pang usa nga namatay usa ka 78 anyos nga lalake nga taga Koronadal City.
Base sa taho, ang hinungdan sa kamatayon niini gawas sa pagpositibo sa virus mao ang pag-angkon ug pneumonia critical septic shock, acute respiratory failure secondary acute respiratory distress Syndrome og hypertension.
Nasayran nga nanguna ang GenSan sa may labing daghang namatay nga mitala sa 76, ikaduha ang South Cotabato may 40; ikatulo ang North Cotabato may 38; ikaupat ang Sarangani nga may 17 og ikalima ang Sultan Kudarat nga may 16 ka pasyente nga namatay sa COVID 19.
Sa karon , anaa na sa katibuk-ang 5,214 ang kumpirmadong kaso sa Region 12 kung asa 471 kun 9.03% ang aktibong kaso; 4,555 kon 87.36% ang total recoveries og 187 kon 3.59% ang COVID-19 related deaths.
