-- ADVERTISEMENT --
GENERAL SANTOS CITY – Nadala sa Dr. Jorge P Royeca Hospital ang usa ka tawo human nga naigo og indian pana atol sa natigayong riot sa Brgy. Fatima ning dakbayan.
Giila ang biktima nga si Kristincio Abelianosa, 18 anyos taga 32. 2 FVR Village sa maong barangay.
Gibutyag nga naigo sa indian pana ang tuo nga bahin sa kamot sa maong biktima kon asa ang mga responsable matud pa mao ang mga grupo sa mga sukarap.
Mirespondi ang mga tanod og kapulisan apan wala na silay naabtan human nga paspas nga nakapalayo sa maong lugar ang mga responsable human nga nakit-an ang nagpadulong nga patrol car sa Fatima PNP.
