-- ADVERTISEMENT --
GENERAL SANTOS CITY – Padayong giimbestigahan sa kapulisan ang pagpamusil sa gikaingong batang sukarap sa usa ka menor de edad nga lalaki sa Brgy Fatima ning syudad.
Nagpabilin pang giobserbahan sa pribadong tambalanan sa dakbayan ang biktima nga si Kenneth Tardoza, 17 anyos, taga-11-B Blk 1 sa naasoy’ng barangay..
Sa impormasyon, natigayon ang insidente sa miaging gabie kung asa gipusil sa suspek ang biktima gamit ang .22 revolver.
Naigo ang biktima sa tuo nga abaga, hinungdan nga gidala sa ospital samtang ang suspek ang paspas nga misibat.
Nasayran nga may kanhing bikil ang biktima ug ang suspek apan wala matino sa kapulisan ang hinungdan.. Sa pagkakaron, pakyas pang masikop sa kapulisan ang suspek.
-- ADVERTISEMENT --
