GENERAL SANTOS CITY – Padayon sa gihapon ang padawat og late enrollment alang sa school year 2020-2021, kini ang gibutyag ni DepEd GenSan Schools Division Supt. Romelito Flores.
Sa pakighinabi kaniya sa Bombo Radyo Gensan gibutyag niini nga muadto lamang sa haduol nga tulunghaan ang mga ginikanan o kaha mga magtutungha.
Pagkahuman adunay i-fill-up nga usa form alang sa learners enrollments survey form.
Base sa pinakaulahing datos mukabat na sa 154,000 ang naka-enroll sa pampubliko ug pribado nga tulunghaan sa GenSan City.
Sumala pa niini nga kung itandi sa nakalabay nga tuig daghan ang wala karon nakapa-enroll.
Nasayran nga sa nakalabay nga tuig kapin sa 177,000 ang mga enrolees sa pampubliko ug pribadong mga eskwelahan sa syudad.
Samtang gibutyag sa nasampit nga opisyal nga gisundan na nila ang mga pag-imprenta sa mga module nga gamiton sa mga magtutungha niining tuiga.
Nasayran nga target karon sa DepEd nga usa ka semana una magsugod ang klase mahuman na tanang module.
