GENERAL SANTOS CITY – Mukabat sa 15 ka bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Gibutyag nga anaa sa 20 ang bag-ong nakarekober og walay natala nga namatay. Sa 15 ka bag-ong kaso, walo ang natala sa Sultan Kudarat, upat sa South Cotabato og tulo sa GenSan.
Gumikan niini adunay 2,276 ang kaso sa COVID 19 sa GenSan, 69 ang active cases og 89 ang patay.
Sa South Cotabato adunay 1,872 ka kaso, 122 ang active cases og 51 ang nagtaliwan.
Sa North COtabato adunay 1,039 ka kaso, 66 ang active cases og 58 ang patay.
Sa Sultan Kudarat adunay 688 ka kaso, 31 ang active cases og 20 ang patay.
Ang Sarangani adunay 639 ka kaso, 34 ang actuve cases og 18 ang patay.
Sa katibuk-an adunay 6,514 ang COVID-19 confirmed cases sa Region 12 kung asa 322 (4.94%) ang active cases, 5,954 (91.40%) ang recoveries og 236 (3.62%) ang COVID-19 related deaths.
