Anaa sa kinse ang bag-ong kaso sa COVID 19 nga natala sa Rehiyon 12 base sa labing ulahing report sa DOH – Center for Health Development Soccsksargen Region.
Samtang anaa sa 28 ang bag-o nga nakarekober og usa ang patay nga taga Surallah, South Cotabato.
Sa 18 ka bag-ong kaso unom ang gikan sa Gensan, lima sa South Cotabato, tulo sa North Cotabato og usa sa Sarangani Province.
Sa pagkakaron anaa sa 22,109 ang kaso sa COVID 19 sa South Cotabato kung asa 62 ang active cases og 819 ang patay.
Ang GenSan ang may 17,760 ang kaso, 70 ang active cases og 628 ang patay. Ang North Cotabato ang may 13,856 ang kaso, walo ang active cases, 663 ang patay.
Ang Sultan Kudarat ang may 8,540 ang kaso, 10 ang active cases og 251 ang patay. Ang Sarangani ang may 7,977 ka kaso, 15 ang active cases og 195 ang patay.
Sa katibuk-an adunay 70,242 ang COVID-19 confirmed cases sa SOCCSKSARGEN region kung asa 165 (0.23%) ang active cases, 67,481 (96.07%) ang recoveries og 2,556 (3.64%) ang COVID-19 related deaths.
