Gikabutang sa 13,441 KA examines ang gilauman nga mosabak sa 2026 Bar Examinations nga magsugod karong September 6.
Sulod sa tulo ka adlaw ipahigayon ang eksaminasyon, partikular sa September 6, 9 ug 13, sa 15 ka local testing centers nga gitakda sa Supreme Court sa nagkadaiyang bahin sa nasud.
Pinakamarami ang testing centers sa National Capital Region o NCR nga adunay pito, samtang adunay duha sa Luzon, upat sa Visayas ug duha sa Mindanao.
Himuon ang Bar Examinations pinaagi sa digital format, isip kabahin sa padayong paggamit sa teknolohiya sa Supreme Court alang sa mga gustong mahimong hingpit nga abogado.
Base sa datos sa Supreme Court, 14,291 ang nagparehistro alang sa 2026 Bar Examinations. Apan 13,441 lamang ang nakakompleto sa gikinahanglang mga dokumento ug na-clear aron makasalmot sa eksaminasyon.
Giandam na usab ang mga lakang sa seguridad sa matag testing center aron masiguro ang hapsay ug luwas nga pagpatuman sa tulo ka adlaw nga eksaminasyon.
Pagtutokan sa mga examinee ang unom ka core subject areas nga kabahin sa Bar Examinations, samtang hugot usab nga ipatuman sa Supreme Court ang mga lagda ug regulasyon sa tibuok panahon sa eksaminasyon.
Karong adlawa ang unang adlaw sa Bar Examinations, diin liboan ka mga law graduates ang mosulay sa ilang kahibalo ug kapasidad aron makuha ang lisensya ug mahimong hingpit nga mga abogado.
