GENERAL SANTOS CITY – Mukabat sa 117 ka mga Tulong Pangkabuhayan sa Ating Displaced/Disadvantaged Workers (TUPAD) beneficiaries ang misalmut sa gipahigayon nga orientation sa Alabel, Sarangani Province.
Matud pa ni Public Employment Services Office (PESO) Alabel Manager Giselle Cahumnas nga ang maong pondo ang gikan sa Bayanihan to Recover As One Act isip tabang sa katawhan nga nakasinati og kalisod nga naapektuhan gayud sa krisis tungod sa pandemya hilabi na sa mga ginatawag nga displaced worker kun kadtong mga empleyado nga natanggal sa trabaho.
Ang mga napiling benepisyaryo ang magtrabaho sulod sa 15 ka adlaw ilawom sa TUPAD sa Department of Labor and Employment (DOLE) nga magpahigayon og community sanitation og disinfection sa mga nagkadaiyang lugar.
Ang matag benepisyaryo makadawat og P5,000 pagkahuman sa programa.
Ang TUPAD usa ka community-based package of assistance nga nagahatag og emergency employment alang sa mga displaced workers, underemployed and seasonal workers, sulod sa minimum period nga pulo ka adlaw apan dili malampas sa 30 ka adlaw.
